“ევროპაშიც არბევენ”

ამ კითხვის დასმა არასწორი გვგონია. ჩვენ ჩვენი მორალით და ტვინით უნდა ვიმოქმედოთ. ევროპას კი მხოლოდ გადაცდომებში არ უნდა მივბაძოთ. თუმცა, რადგან “ოცნების” პროპაგანდა ამახვილებს ყურადღებას ამ საკითხზე, ჩავეძიოთ საფრანგეთის მაგალითზე.

რამდენიმე განსხვავებაა:

1. საფრანგეთში აქციის მონაწილეები გაცილებით უფრო აგრესიულები არიან, მაგალითად, 2018-19 წლის პროტესტებზე დაზიანდა აქციის 2500 მონაწილე და 1800 პოლიციელი – ეს არის თითქმის თანაბარი ბრძოლა. ჩვენს შემთხვევაში, გვაქვს 400+ ნაცემი ადამიანის მტკიცებულება, და დაახლოებით 21 გაზიარებული მტკიცებულება დაზიანებულ სამართალდამცავებზე. “ოცნება” ძირითადად აპელირებს ქვის და ფეიერვერკის სროლაზე, შეურაცხყოფაზე. რობოკოპების აღჭურვილობა კი ზუსტად ასეთ საფრთხეებზეა გათვლილი.
2. ევროკავშირში, დაკავების შემდეგ ცემის ფაქტები თითქმის არ ხდება. მაგალითად, 2017 წელს ბორკილდადებულ ადამიანს სცემეს, რასაც დიდი პროტესტი მოჰყვა. მაგალითად, ერთ-ერთი ვიდეო, რომელსაც სამთავრობო მედია ავრცელებს, ასახავს გერმანელ პოლიციელებს, რომლებიც ძირს აგდებენ პროტესტის მონაწილეს და მისი გაკავებისთანავე ჩერდებიან, არ აგრძელებენ გაკავებულის ცემას, უჩანთ სახე, არიან დანომრილი.
3. საფრანგეთში, ისე როგორც ევროპის სხვა ქვეყნებში, შესაძლებელია გამოძიება, სამართლის ძიება. არსად არ არის სრულყოფილი სისტემა, თუმცა, სამართალდამცავები დანომრილები არიან, და სასამართლო მუშაობს.
4. საფრანგეთში, ანალოგიური პროტესტი შეიძლება მოჰყვეს კანონს საპენსიო ასაკის ცვლილებასთან დაკავშირებით. საქართველოში, პროტესტის მონაწილეებს აქვთ განცდა, რომ ქვეყნის მთავარ ორიენტირზე თქვა მთავრობამ უარი.
5. საქართველოში, როდესაც რობოკოპები მოქალაქესთან მივარდებიან და იწყებენ მის ცემას, მოქალაქეს თავის დაცვის უფლებაც არ აქვს, რადგან მოგვიანებით სასამართლო მას მძიმე მუხლით – პოლიციელზე თავდასხმისთვის გაასამართლებს.

ერთია, რომ ასეთი პარალელები არაფერს ამართლებს, არასერიოზულია. თუმცა, თუ მაინც უნდა შევადაროთ – შეხედე ვიდეოს და შეადარე:

• არიან თუ არა ძალოვანები დანომრილები?
• ხედავ სადმე დაკავებულის ჯგუფურად, არაპროვოცირებულ ცემას?
• ხედავ გინებას, პირად ანგარიშსწორებას?
• ხედავ ამ მოვლენების შემდეგ გასამართლებულ, წლობით დაპატიმრებულ მომიტინგეებს?
• თუ ხედავ, გაგვიზიარე ზუსტი დრო კომენტარებში..

ზოგადად, ევროპის ქვეყნებშიც შეიძლება იყოს ასეთი პრობლემები, თუმცა, ინსტიტუტების დამოუკიდებლობის გამო, მეტია შანსი იპოვო შენი სიმართლე, და ასეთი პრობლემები აქციო როგორც ინდივიდუალურ გამარჯვებად, ისე – უბიძგო მთავრობას კონკრეტული ცვლილებებისკენ. მაგალითად, დღეს რომ რობოკოპების დანაშაულს არ/ვერ იძიებენ, ეს ხომ დიდი ხანია ვიცით? რატომ არ იცვლება სისტემა? იმიტომ ხომ არა, რომ სწორედ ასეთი უნდა რომ იყოს და საზოგადოებას ბერკეტი არ აქვს მის შესაცვლელად?