📝 კონტრიბუტორი

საქართველოში საინფორმაციო ომია. სიმართლე დასაცავია.

ამისთვის, საჭიროა ადამიანები შეიარაღებული იყვნენ ფაქტებით, წყაროებით, არგუმენტებით. ეს კი არ არის მარტივი, რადგან რთულია გამონახო დრო ან ენერგია და სიღრმისეულად შეისწავლო პროპაგანდის მიერ შემოთავაზებული მრავალი საკითხი, გადაამოწმო განცხადებები, გაეცნო სხვადასხვა დოკუმენტს.

სწორედ ამ პროცესში ვეხმარებით ადამიანებს.

შენ – გაქვს კონკრეტული საკითხის სიღრმისეული ცოდნა და მასალები. ჩვენ – ამ ცოდნას და მასალებს ვაძლევთ მარტივად გამოსაყენებელ, ერთგვარი სამაგიდო წიგნის ფორმას და ვავრცელებთ ადამიანებში, ვისაც ამ ცოდნის გამოყენება სურს სიმართლის დასაცავად.

👉 მოგმართავთ შენ

თუ შენ:

სიღრმისეულად ფლობ კონკრეტულ საკითხს, მიგაჩნია საკუთარი თავი ექსპერტად და ხშირად გიწევს ამ საკითხის ახსნა შენს გარშემომყოფებთან;
მიგაჩნია, რომ ეს ცოდნა უფრო მეტ ადამიანთან უნდა მივიდეს;
დროთა განმავლობაში დაგიგროვდა სხვადასხვა მასალა, PDF, პოსტი, სტატია, ლინკი, ვიდეო, რომელსაც უგზავნი ადამიანებს გასაცნობად;

რომელიმე მაგალითში თავი თუ ამოიცანი, სწორ ადგილას ხარ.

🧠 წარმოიდგინე „კოლექტიური“ არგუმენტი

საზოგადოება მუდმივად განიხილავს სხვადასსხვა საკითხს, მაგალითად:

რომელ დღეს დაიწყო აგვისტოს ომი?
უნდა ვესაუბროთ თუ არა რუს ტურისტს რუსულ ენაზე?
კარგი იყო თუ არა გეორგიევსკის ტრაქტატი ქვეყნისთვის?

ადამიანები წერენ პოსტებს, აკეთებენ ვიდეო მიმართვებს, აზიარებენ მასალებს, პასუხობენ ერთმანეთს კომენტარებში..

პრობლემა ისაა, რომ ეს პასუხები და მასალები მიმოფანტულია. ყოველ ჯერზე, როცა რომელიმე საკითხი გააქტიურდება, საზოგადოებრივი დისკუსია იწყება ახლიდან. ნაცვლად იმისა, რომ გადავიდეთ შემდეგ ეტაპზე, ამოვწუროთ ერთი ნაწილი, ჩავუღრმავდეთ მეორეს და საბოლოოდ – მივიდეთ რაღაც ტიპის სიცხადემდე.

წარმოიდგინე ერთგვარი სუპერპოსტი – ერთი, ორგანიზებული, მუდმივად განახლებადი რესურსი, რომელიც აერთიანებს ყველაზე ძლიერ არგუმენტებს, ფაქტებს, მაგალითებს, ათავსებს ამ ყველაფერს ნარატივში, რათა ადამიანებმა გამოყენონ სიმართლის დასაცავად.

თუ ახალი კონტრ-არგუმენტი ან მასალა გამოჩნდა – ვამატებთ ამ რესურსში. თუ ვინმემ სისუსტე აღმოაჩინა არგუმენტში ან მასალებში – მალევე აღმოვფხვრით ამ სისუსტეს. არგუმენტი არსებობს ერთ, კონკრეტულ მისამართზე და ვითარდება მუდმივ რეჟიმში.

ჩვენი მიზანია ასეთი რესურსის შექმნა ყველა მნიშვნელოვან საკითხზე.

🧩 როგორ ვთანამშრომლობთ?

თანამშრომლობაში ერთვები იმ დოზით, როგორც შენთვის იქნება მოსახერხებელი – იქნება ეს ტექსტის შემუშავებაში ჩართვა თუ მასალების გაზიარება.

შენ გაქვს საკითხის სიღრმისეული ცოდნა – მასალები, ჩანაწერები, ლინკები, პირადი საუბრების გამოცდილება. შენ იცი რა არის სალაპარაკო. რა არგუმენტებია გასაბათილებელი და როგორ.

ჩვენ, ამ მასალას ვაძლევთ სტრუქტურას (მაგალითი), რომელიც ინარჩუნებს სიმარტივეს, თუმცა, მოთხოვნისამებრ, აწვდის მკითხველს მეტ ინფორმაციას. ვაკავშირებთ ტექტს სხვა გვერდებთან, ინტეგრაციას ვუკეთებთ არგუმენტების საერთო კატალოგთან.

🤖 AI ჩეთბოტი

შენს მიერ შექმნილ რესურსის გაცნობა, მკითხველს ორი ძირითადი ფორმით შეეძლება:

კითხვა (სტანდარტული)
AI ჩეთბოტი

დღეს, როცა AI ასე პოპულარულია, ადამიანები სწრაფად მიეჩვივნენ მის გამოყენებას. ძირითადი მიზეზი სიმარტივეა – შეიძლება ტექსტი კარგად იყოს გამართული, თუმცა, სრული ტექსტის წაკითხვას მკითხველს ურჩევნია დასვას კონკრეტული შეკითხვები და ისე მიიღოს ცოდნა, როგორც კონკრეტულად მისთვის იქნება ოპტიმალური.

რით განსხვავდება ეს ჩეთბოტი ნებისმიერი სხვა ჩეთბოტისგან (ChatGPT, Claude, Gemini…)?

რამდენიმე ძირითადი სხვაობაა:

ჩაკეტილი საზღვრები – ეს ჩეთბოტი ხელმძღვანელობს შენი შექმნილი რესურსით. შესაბამისად, არის კონტროლირებული, თითქმის არ არსებობს ჰალუცინაციის შანსი.
ერთიანი სივრცე ყველა მასალისთვის – გარდა მთავარი ტექსტისა, რომლითაც ჩეთბოტი ხელმძღვანელობს, ჩვენ ავტვირთავთ ყველა იმ მნიშვნელოვან მასალას, იქნება ეს PDF, პოდკასტი თუ სხვა, რაც უკავშირდება ამ არგუმენტს და მივუთითებთ ჩეთბოტს რომელი მასალა როგორ გამოიყენოს საუბრისას.
საუბრის უნარები – ერთია არგუმენტებით მომარაგება, მეორეა ფორმა, რომლითაც ამ არგუმენტებს მკითხველს ვაწვდით. როცა საქმე კამათს, დებატს, აზრთა სხვადასხვაობას ეხება, უმნიშვნელოვანესი ხდება არა მარტო სათქმელი, არამედ სათქმელის მიტანის ფორმაც. ჩვენ მუდმივად ვავითარებთ, ვატრენინგებთ ჩეთბოტს, რათა დასვას სწორი შეკითხვები, ეტაპობრივად მიაწოდოს ინფორმაცია მკითხველს, შეამჩნიოს თემის უეცარი ცვლილება, როგორ განმუხტოს დაძაბული საუბარი..
AI ოპონენტი – ჩვენ, „გაანათე“, ასევე ვავითარებთ AI ოპონენტის პროფილს, რომელიც შეეცდება იპოვოს სუსტი წერტილები ჩვენს მიერ შექმნილ რესურსში.

📜 კიდევ რამდენიმე დეტალი…

უფრო მკაფიოდ რომ წარმოგადგენინოთ თანამშრომლობის პროცესი, რამდენიმე დეტალს გაგიზიარებთ:

შენი სახელი მითითებული იქნება კონკრეტულ გვერდზე, კონტრიბუტორად (სურათით და ლინკით სოციალურ მედიაზე ან/და საიტზე);
გვექნება საერთო ჩეთი კონკრეტულ არგუმენზე – თუ გაჩნდა ახალი ნარატივი, არგუმენტი, ფაქტი, რომლის დაფარვაც საჭიროა, განვიხილავთ ჩეთში და ვიღებთ გადაწყვეტილებას.
შენს გვერდზე, შეგეძლება მიიღო მონაწილეობა ჩეთბოტის ტრენინგში;
თუ მკითხველი გვერდზე დატოვებს კომენტარს, მიიღებ მეილს და შეგეძლება უპასუხო;
ეს აქტივობა არ მოდის წინააღმდეგობაში სოციალურ ქსელებში პირად აქტივობასთან – სოციალურ ქსელს აქვს მნიშვნელოვანი როლი – როდესაც ესა თუ ის საკითხი აქტიურდება, საჭიროა საინფორმაციო ნაკადის შექმნა. ამ შემთხვევაში, ჩვენ უბრალოდ გადავამოწმებთ, რომ ის, რაც სოციალურ ქსელში იდება, ასევე დაფარულია ჩვენს მთავარ რესურსშიც.

🤝 შემოგვიერთდი

შეავსე ფორმა და დავიწყოთ თანამშრომლობა.

📝 შეავსე ფორმა