ბანდების ძალადობა

არსებობს კიდევ სხვანაირი მოძალადეები – ე.წ. “ტიტუშკები”. ესენი არიან აგრესიული ადამიანები, რომლებიც თავს ესხმიან აქციის მონაწილეებს, აწყობენ პროვოკაციებს, არიან ძირითადად მთვრალები.

“ოცნების” პროპაგანდა ორ რამეს გვეუბნება ამ ჯგუფებზე – რომ ესენი არიან სამართლიანად გაბრაზებული უბრალო მოქალაქეები (ქალაქში, რომელშიც “ოცნებამ” წააგო), ან თვითონ ოპოზიციის მიერ არიან დაქირავებული.

ზოგჯერ რთულია გარკვევა – მაგ. არის ეს მთვრალი პოლიციელი ნამდვილად პოლიციელი?

ეს რომ ასე არ არის, ამის არგუმენტად გიზიარებთ არაერთ მასალას, სადაც ჩანს – როგორ ძალადობენ ეს ადამიანები და როგორ აძლევს პატრული მათ ამის უფლებას – თუ იქვეა, სხვაგან იყურება (1, 2, 3) ან არ ესმის, თუ არ არის – არც მოდის, თუ იჭერს – იქვე შორიახლოს უშვებს, ან უბრალოდ ესკორტით აცილებს. ტიტუშკებისგან თავდაცვა კი აკრძალულია – ჰაერში გასროლა, წიწაკის სპრეის გამოყენება და სხვა საშუალებები ეტაპობრივად იკრძალება.