თუ აქამდე მოხვედი და ნახე ჩვენი მასალა და არგუმენტები, როგორც პასუხისმგებლიან მოქალაქეს, ალბათ იმის იმედი გაქვს, რომ მოძალადეებს დასჯიან.
აქ მოგიყვებით, რატომ არ გვაქვს ჩვენ ეს იმედი.
წინასწარი განზრახვა
თუ დავუშვებთ, რომ მართლაც გადაცდომას ჰქონდა ადგილი, შეიძლება ასევე დავუშვათ, რომ სისტემა გამოიძიებს ამ გადაცდომებს.
თუმცა, თუ გადაცდომის მაგივრად წინასწარ დაგეგმილ, კარგად ორგანიზებულ, გამიზნულ ძალადობას ჰქონდა ადგილი, ალბათ არ იქნება ჭკვიანური ვიფიქროთ, რომ დამნაშავე საკუთარ დანაშაულს გამოიძიებს.
რამდენიმე ფაქტი მიგვითითებს იმაზე, რომ ეს იყო და არის დაგეგმილი ძალადობა:
- დაისაჯა მხოლოდ რამდენიმე მოძალადე: აქციები არ დაწყებულა ახლა. გვაქვს ძალადობის არაერთი ფაქტი 2019 თუ 2023 წლების აქციებიდან. გამოძიება “იწყება” (1, 2, 3, 4), თუმცა არასდროს სრულდება. მოქალაქეები უსასრულოდ ელოდებიან სარჩელზე გამოხმაურებას (1). სახალხო დამცველმა ამის შესახებ “ოცნებას” პარლამენტში მოახსენა, პასუხად კი თავდასხმა მიიღო. არ დასჯილა ათობით სხვა მოძალადე, დამკვეთი, ორგანიზატორი, ხელის დამფარებელი…
- საჩვენებელი და საეჭვო დასჯა – მაგალითად, არასრულწლოვანზე ძალადობის საქმეზე, საზოგადოების წნეხის ფონზე დაკავებული პოლიციელი 2 თვეში გაუხმაურებლად გამოუშვეს. ასევე მალევე გაათავისუფლეს არასრულწლოვან ლუკა სირაძის თვითმკვლელობამდე მიყვანის გამო დაკავებული პროკურორი.
- აქციაზე იდგა სპეციალური, გადაკეთებული მიკროავტობუსები (1, 2, 3) – დაბურული/გაუქმებული ფანჯრებით და ამოღებული სკამებით. ამ მანქანებში სცემენ დაკავებული ადამიანების დიდ ნაწილს.
- მოძალადეებს არ აქვთ შიდა საიდენტიფიკაციო ნიშანი. შსს სწორედ ამით იმართლებს თავს – ვინაობის დადგენა და გამოძიება შეუძლებელიაო. საქმე იმაშია, რომ რეჟიმმა დანომვრა სულ რამდენიმე წლის წინ მოხსნა. რატომ არ იძიებს ვინ მოხსნა, რატომ არ დგება მისი პასუხისმგებლობა? ან, რატომ არ შემოაქვს დანომვრა თავიდან? რა მოხდება, თუ მოძალადეს ადამიანი შემოაკვდება?
- “ოცნების” წევრებს აქვთ რიტორიკა, რომელიც არ ამტყუნებს მოძალადეებს, არ მიანიშნებს, რომ ასეთი ფაქტების გამოძიებით ოდნავ მაინც არიან დაინტერესებული, ან საერთოდ აღიარებენ ასეთი ფაქტების არსებობას (1, 2), უკიდურეს შემთხვევაში, შეიძლება ეწყინოთ. სამთავრობო არხები კი დასცინიან დაზარალებულ ადამიანებს.
- ამბობენ, რომ ვერ ამოიცნეს მოძალადეების უმრავლესობა, თუმცა ქვემოთ შეგიძლია იხილო ამოცნობილი მოძალადეების ვრცელი სია.
- გორში პოლიციის ჩადენილ ჯგუფურ ძალადობას გამოეხმაურა თეა წულუკიანი, მან უსაყვედურა პოლიციელებს, რომ მათ სალაპარაკო მისცეს “მტრებს” და არა იმაზე, რომ ჯგუფურად დაესხნენ თავს მოქალაქეს.
ამ ფაქტებზე დაყრდნობით ჩვენთვის ცხადი ხდება, რომ ეს არის არა “ზოგიერთი სამართალდამცავის ინდივიდუალური გადაცდენა”, არამედ სისტემური, ორგანიზებული ცემა და წამება.
“ახლების იმედი მაქვს..”
ზოგი ამბობს, რომ იმედი აქვს ამა თუ იმ კონკრეტული პირის – ახალი შსს მინისტრის, პროკურორის თუ სუსის უფროსის. იმედოვნებს, რომ სწორედ ამ ახალდანიშნული ადამიანის ხელით აღმოიფხვრება ეს პრობლემები.
კონკრეტულ პირებზე იმედის დამყარება არ არის სწორი. განსაკუთრებით, როდესაც საქმე “ოცნებას” ეხება:
- პასუხისმგებელი პირები იცვლებიან ხშირად და მოულოდნელად;
- პირები, რომელსაც სრულიად “ოცნება” და მისი პროპაგანდა აბსოლუტურ ნდობას უცხადებდა, მალევე იქცევიან კორუმპირებულებად, მოღალატეებად ან სულაც “ნაცებად”. იქნება ეს ღარიბაშვილი, გახარია, ლილუაშვილი, მათი არჩეული ორი პრეზიდენტი თუ სხვა. რატომ უნდა ვიფიქროთ, რომ ახალი პირები სულ მალე ამ სიას არ შეუერთდებიან?
- ტყუილი ნორმად იქცა – პროპორციული არჩევნების დაპირება და შემდეგ ჩაგდება, “აგენტების კანონის” გაწვევა და შემობრუნება, ან საქონლის ხორცი რომ 10 ლარი ღირს. ტყუილი გვესმის მუდმივად, ყველა საკითხზე.
ასეთ გარემოში, ინდივიდებზე იმედებს ვერ დავამყარებთ. საინტერესოა მხოლოდ კონკრეტული გეგმები და ქმედება, მაგალითად:
- გეგმა არ არის: “გპირდებით, რომ აღარ მოხდება” ❌
- გეგმა არის: “გამოძიებას ხელი შეუშალა ნომრების არარსებობამ, ეს რომ აღარ დაგვემართოს, 1-ლი ივნისიდან ხელმეორედ შემოგვაქვს დანომვრა.” ✅
ვინ იგულისხმება “ახლებში”?
კონკრეტულ ადამიანებზე იმედების დამყარება რომ არ არის კარგი აზრი, ამაზე ზემოთ უკვე ვისაუბრეთ. თუმცა, თუ მაინც განვიხილავთ კონკრეტულ ადამიანებს, განვიხილოთ – ვინ მოიაზრება ამ ადამიანებში?
როტაცია არ ნიშნავს რეალურად ახალ ადამიანებს და ახალ ენერგიას. ეს არის იგივე სისტემა, უბრალოდ მისი ნაწილების გადანაცვლება ხდება. რეალური, უცვლელი ნაწილი არის ბიძინა ივანიშვილი. ყველაფერი სხვა იცვლება, თან არ იცვლება.
ირაკლი კობახიძე
- ის 2024 წლის პირველ ნაწილში დაინიშნა პრემიერ-მინისტრად, შესაბამისად, ნოემბრის მასშტაბური ძალადობა მისი პრემიერ-მინისტრობის დროს მოხდა.
- ძალადობის შემდეგ, ძალადობის მთავარი შემოქმედები მან ღირსების ორდენზე წარადგინა. ორდენი ძალოვანებს მიხეილ ყაველაშვილმა გადასცა. 2026 წელს კი დაადასტურა ღირსების ორდენის საჭიროება.
- მან განაცხადა, რომ რომ ძალის გადამეტების მხოლოდ 3 ფაქტზე აქვს ინფორმაცია. ზუსტად ვერ ვიტყვით ეს იმით აიხსნება, რომ საკითხით არ დაინტერესებულა, თუ იმით, რომ გამიზნულად ამბობს ტყუილს, თუმცა, ორივე შემთხვევაში, რთულია ამ განცხადების ისე აღქმა, რომ ის დაინტერესებულია გამოძიებით და დამნაშავის დასჯით.
- მას, როგორც მამუკა მდინარაძეს, ჟურნალისტმა აჩვენა ვიდეო, სადაც “ხარება” გაკავებულ მოქალაქეს ურტყამს წიხლს. მან თქვა, რომ ეს სცენა შესაბამისი ორგანოების შესაფასებელია.
- ის ესწრებოდა “ოცნების” დეპუტატების ჯგუფურ თავდასხმას ორ ოპოზიციონერ დეპუტატზე, შემდეგ კი გაამტყუნა ოპოზიციონერები, რაც სამართლიანობის საეჭვო აღქმაზე მიგვითითებს.
მამუკა მდინარაძე
- მას ჟურნალისტმა აჩვენა ვიდეო, სადაც გაკავებული მოქალაქე მიჰგვარეს “ხარებას”, რომელმაც წიხლი ჩაარტყა. მან თქვა, რომ ვერ დაინახა როგორ შეეხო ფეხი სახეს და სწრაფად შეცვალა საკითხი. ამ ვიდეოზე სკეპტიკური აზრი დააფიქსირა პოლიციის ერთ-ერთმა მაღალჩინოსანმაც.
- ერთის მხრივ, ის საზოგადოებას პირდება, რომ დაუსჯელი არცერთი მოძალადე არ დარჩება, თუმცა “ტიტუშკების” ათეულობით ფაქტთან დაკავშირებით, მან თქვა, რომ მისთვის მხოლოდ ერთი ფაქტია ცნობილი.
- ჟურნალისტი გურამ როგავა, რომელსაც მოძალადემ მძიმე დაზიანება მიაყენა, ეკითხება მამუკა მისი გამოძიების სტატუსის შესახებ. მამუკა მდინარაძე იწყებს მსხვერპლის დადანაშაულებას ტყუილით, რომ თითქოს ის აგინებდა პოლიციელებს, და შემდეგ ტოვებს სასაუბრო სივრცეს.
შალვა პაპუაშვილი
ირაკლი კობახიძესთან ერთად, შალვა პაპუაშვილმა ღირსების ორდენზე წარადგინა ძალადობის მთავარი შემოქმედები.
ამოცნობილი მოძალადეები
სანამ გამოძიება ეძებს დამნაშავეებს, საზოგადოებამ ათეულობით მათგანი ამოიცნო. მათ შორის 2019 წლის აქციებიდან.
- Facebook პოსტების კომენტარებში არაერთი დამნაშავე თუ ეჭვმიტანილი პოლიციელის სახეა – პოსტი 1, პოსტი 2, პოსტი 3, პოსტი 4
- “მთავარის” გამოქვეყნებული სია (რამდენიმე ათეული)
- კალაძის ოფისის ამოცნობილი ტიტუშკები
- კიდევ ერთი, მეორე, მესამე, მეოთხე, მეხუთე, მეექვსე, მეშვიდე, მერვე, მეცხრე, მეათე თუ მეთერთმეტე
- 103 ამოცნობილი ნიღბიანის სახელი და გვარი
- 4 “ტიტუშკა”
- მერიის თანამშრომელი 5 “ტიტუშკა” (ასევე: რეპორტაჟი)
- ამოცნობილი ნიღბიანების სია