უკეთ მოიქეცით და მხარს დაგიჭერთ – მთავარი ტექსტი – შევთანხმდეთ მინიმალურზე – კანონზე

თემა: უკეთ მოიქეცით და მხარს დაგიჭერთ https://gaanate.org/?p=4348

სექცია: მთავარი ტექსტი

ქვეთემა: შევთანხმდეთ მინიმალურზე – კანონზე

შენ ალბათ შენს პოზიციაში ხარ დარწმუნებული. გაქვს შენი წარმოდგენა ქართველობაზე, ქრისტიანობაზე, ტრადიციებზე, მორალის სხვადასხვა ასპექტზე, გეოპოლიტიკაზე, საგარეო ვექტორზე, ჩაცმულობაზე, ტატუზე თუ პირსინგზე.

თუმცა, ერთ რამეზე უნდა შევთანხმდეთ: სამართალი და კანონი ყველაფრის ფუნდამენტია. კანონი ტექნიკური ჩანაწერი კი არ არის, რომელიც მხოლოდ იურისტებს ეხება. ეს არის შეთანხმება – რა არის მისაღები ჩვენთან, საზოგადოებაში, და რა ისჯება.

თუ შენ ამ შეთანხმებას არღვევ, და მზად ხარ შეხედულების მიხედვით უწესოდ ებრძოლო საზოგადოების განსხვავებულ ნაწილს, ასე არ გამოვა. ეს აღარ არის უბრალოდ განსხვავებული აზრი, რომელსც პატივი უნდა ვცეთ. ეს არის ძალმომრეობა.

შეიძლება განსხვავებული აზრი გვქონდეს ბევრ რამეზე – ვინ მართალია და ვინ მტყუანი, ვინ მსხვერპლია და ვინ მოძალადე, ვინ მოაწყო პროვოკაცია, ვინ გააზვიადა, ვინ გადაამეტა ძალას. ეს სუბიექტური აღქმებია. ამ აღქმებით ადამიანებს განაჩენს ვერ გამოვუტანთ და ვერ ვცემთ.

მაგრამ ეს არის მნიშვნელოვანი.

მნიშვნელოვანია ის, თუ როგორი ქვეყანა გვექნება – სადაც ადამიანის ბედი წყდება სამართლიანი კანონით, თუ პირადი სიმპათიით.