📜 მიმართვა

ჩვენი მიზანია საუბარი მეორე მხარესთან. არა ემოციით, არა ჩაგვრით, არამედ არგუმენტებით, ემპათიით.

ამ გვერდზე გვინდა მოგმართოთ სხვადასხვა ადამიანებს. გაგიზიაროთ ჩვენი პოზიცია. გაჩვენოთ, რომ თქვენიც გვესმის, ან გვსურს მაინც რომ გაგიგოთ. შემოგთავაზოთ საუბარი. გვჯერა, რომ ამ მიმართვებით გაიგებთ რას ვფიქრობთ შენზე, რაც გაგვიმარტივებს საუბრის დაწყებას.

მიმართვებში შეიძლება საკუთარი თავი ამოიცნოთ – სრულად ან ნაწილობრივ. ჩვენ არ გვგონია, რომ მეორე მხარეს ყველა “ასეთი” ან “ისეთია”, მხოლოდ გამოვყოფთ ამ რამდენიმე ჯგუფს და მივმართავთ სპეციალურად.

---

👮 სამართალდამცავებს

სამართალდამცავი ხარ? შეიძლება ჩვენზე უარყოფითი წარმოდგენა გვაქვს – რომ ომი გვინდა, რომ ევროპა გვირჩევნია საქართველოს, რომ მშვიდობას ვერ ვაფასებთ, რომ პატივს არ გცემთ და მზად ვართ გაგიმეტოთ.

ჩვენ არ ვემხრობით შენს შეურაცხყოფას. ჩვენი ნასროლი თითოეული ნივთი და შენი ნასროლი გაზის კაფსულა თუ მოქნეული ხელი კიდევ უფრო აღრმავებს ნაპრალს ჩვენს შორის. მოდი, ვისაუბროთ – რა გინდა შენ, რა გვინდა ჩვენ და რა არის გამოსავალი?

🎭 ფარისევლებს

ფიქრობ ერთს, ამბობ მეორეს, აკეთებ მესამეს. მხარს უჭერ არა მართალს, არამედ ძლიერს.

საუბრის დასაწყებად აუცილებელია ვიცოდეთ – ვინ რა პოზიციაზე დგას. ნუ დამალავ, თქვი რეალურად რა გსურს, რისი გჯერა. ჯობს ვიცოდეთ რომ საპირისპირო პოზიციაზე ვართ, ვიდრე ამბობდე, რომ შენც იგივე გინდა, მაგრამ…

სხვებს

ეტაპობრივად მივმართავთ სხვა ჯგუფებსაც.