უსაზღვრო თავისუფლება სახელმწიფოს

მე-5 მუხლის ფარგლებში, სახელმწიფოს შეუძლია შევიდეს შესამოწმებლად ნებისმიერ ორგანიზაციაში ორი საბაბით:

1. იუსტიციის სამინისტროს გადაწყვეტილებით;
2. იუსტიციის სამინისტროში ვინმეს მიერ შეტანილი განაცხადით, რომელიც მიანიშნებს რომ კონკრეტული ორგანიზაცია საეჭვოა;

იგულისხმება ორგანიზაციები, რომლებიც არ ექცევიან ამ კატეგორიაში, თუმცა სახელმწიფო იტოვებს უფლებას რეგულარულად გადაამოწმოს მათი მდგომარეობა.

ეს “დასაბუთება” უკიდურესად აბსტრაქტულია.

როგორ ხდება შემოწმება?

შემოწმება მოიცავს იმ ზომებს, რასაც სამინისტრო ჩათვლის საჭიროდ, მაგალითად – ოფისიდან წაღება არა მარტო საოფისე ტექნიკის, არამედ თანამშრომლების პირადი ტექნიკის, მობილურების და ამ ტექნიკის კვლევისთვის წაღებას რამდენიმე დღით, კვირით ან მეტით.

მონიტორინგს ექვემდებარება პირადი ინფორმაცია, თანამშრომლების მიმოწერები, მედიის შემთხვევაში – წყაროები, მამხილებლის მონაცემები და სხვა სენსიტიური და სრულიად კონფიდენციალური ინფორმაცია.

ეს ყველაფერი კი შეუძლია წელიწადში ორჯერ.

შესაბამისად, სახელმწიფოს ეძლევა საშუალება სრულიად დაუსაბუთებლად შეაფერხოს და შეაჩეროს სხვადასხვა ორგანიზაცია ნებისმიერ დროს, მაგალითად – არჩევნების დროს დაიწყოს მედიის შემოწმება.

იარლიყის მიმაგრების თავისუფლება

“უცხოური ძალის ინტერესების გამტარებელი” განმარტებულია მხოლოდ ჩარიცხული თანხებით და არა იმით, რეალურად ატარებს ეს ორგანიზაცია უცხოეთის ინტერესებს საქართველოს საწინააღმდეგოდ, თუ – არა. შესაბამისად, სახელმწიფოს, ყოველგვარი მტკიცების ტვირთის გარეშე, შეუძლია ორგანიზაციებისთვის ამ იარლიყის მიმაგრება, მათი სტიგმატიზაცია. ვრცლად: იარლიყი – “უცხოური ძალის ინტერესების გამტარებელი”