🎒 აქციაზე წასვლამდე

აქციაზე მისვლამდე საჭიროა მომზადება.

👖 რა ჩავიცვა?

• პრაქტიკული ტანსაცმელი სწრაფად გადაადგილებისთვის – სპორტული შარვალი, ბოტასები;
• შეკრული თმები – პოლიციისგან ხელის ჩავლებისას, ან სირბილისას რომ არ შეგეშალოს ხელი;
• გრძელი სახელოები – გაზის, წიწაკის სპრეის ან ჭავლისგან დასაცავად;
• არ გაიკეთო მაკიაჟი, სამკაულები ან ლინზები – გაზთან და წიწაკის სპრეისთან შედის რეაქციაში და კანი უფრო იწოვს ამ ნივთიერებებს.
• საწვიმარი – როგორც წვიმისთვის, ისე – წყლის ჭავლისთვის. (შეგიძლია ჩანთაშიც ჩაიდო)
• ჩამოიკიდე სასტვენი – შეიძლება გამოგადგეს სხვადასხვა სიტუაციაში

😷 აღჭურვილობა

სუნთქვა

• ბაფი/ყელსახვევი ან პირბადე (მინიმუმ N95, რამდენიმე ცალი)
• ან რესპირატორი რომელიც ფარავს ნახევარ სახეს და ეცვლება ფილტრები (მეტი ინფორმაცია)

მხედველობა

• საცურაო სათვალე – კარგია სპრეის წინააღმდეგ, გასარიდებლად. კარგად მორგების შემთხვევაში ასევე კარგია ცრემლსადენი გაზის წინააღმდეგ. თუმცა, მარტივად იორთქლება.
• სათხილამურო/სამშენებლო სათვალე

🎒 რა ჩავალაგო ჩანთაში?

• პირველადი დახმარების ნივთები
• Power bank – ტელეფონი თუ დაგიჯდა (წასვლამდე ტელეფონიც დატენე);
• წყალი – რამდენიმე ბოთლი მაინც, სხვასაც რომ გაუნაწილო;
• სნექი, შოკოლადი – რომ მოგშივდეს;
• ხელსახოცი – მშრალი ან/და სველი;
• მცენარეული ზეთი ან ვაზელინი – წიწაკის სპრეის საწინააღმდეგოდ;
• ერთჯერადი ხელთათმანი, რამდენიმე წყვილი;