ხმის მიცემა

ამომრჩევლებს, რომლებსაც ჯანმრთელობის მდგომარეობის ან ძნელად მისადგომ ადგილზე ცხოვრების გამო არ შეუძლიათ საარჩევნო უბანზე მისვლა, ემსახურება “გადასატანი ყუთი”.

გადასატანი ყუთი, 9:00-დან 19:00 საათამდე მოივლის ამომრჩევლებს და დაბრუნდება უბანზე. ყუთს საჭიროა გაყვეს 1 ან 2 დამკვირვებელი. მანქანის შემთხვევაში, საუბნო საარჩევნო კომისია ვალდეუბლია გამოყოს ადგილი დამკვირვებლებისთვის.

დანარჩენი პროცესი იგივეა:

1. ამომრჩეველმა წარმოადგინოს პირადობა ან პასპორტი
2. შემოწმდეს მარკირებაზე
3. თუ არ აქვს მარკირება – გაუკეთდეს
4. ფარულად აძლევს ხმას, ათავსებს კონვერტში
5. აგდებს ყუთში

თხოვე დაიბანოს ხელი – თუ სხვა რამის კვალია, დიდი ალბათობით ჩვეულებრივი დაბანვით მოშორდება.

სპეციალური სითხის კვალი ძირითადად ცერა თითის ზედაპირზეა კონცენტრირებული. მანდარინის კი ფრჩხილების დაბოლოებებთან, რამდენიმე თითზე მაინც.

ასევე, შეიძლება შეგხვდეს “შილაკის” მაგალითიც. ასეთ დროს, კვალი რჩება ნუნებთან.

შეახსენე, რომ ორივე ხელი შეუმოწმოს – “ბოდიში, მემგონი დაგავიწყდათ ორივე ხელის შემოწმება”.

მიუთითე, რომ მარკირებიანი მოქალაქის შემოშვება აკრძალულია – “შეიძლება ვერ დაინახეთ, მგონი ამ მოქალაქეს მარკირება აქვს, ერთხელაც რომ შევამოწმოთ”.

ამ ადამიანებს არ სჭირდებათ მარკირების გავლა – ნებისმიერ დროს შეუძლიათ უბანზე შემოსვლა. შემოსვლის მომენტიდან ადევნე თვალი – რაიმე დროს რომ არ სცადოს სხვისი პირადი მონაცემებით ხმის მიცემა ან სხვა სახის გაყალბება.

1. ამომრჩეველი რეგისტრატორს აწვდის პირადობის დამადასტურებელ დოკუმენტს
2. რეგისტრატორი დოკუმენტს ატარებს ვერიფიკაციის აპარატში
3. აპარატის მიერ დადასტურების შემთხვევაში, რეგისტრატორი ამომრჩეველს უკეთებს მარკირებას
4. რეგისტრატორი, ვერიფიკაციის აპარატიდან ბეჭდავს ვერიფიკაციის დამადასტურებელ ქვითარს, ამ ქვითარს ხელს აწერს ამომრჩეველი
5. რეგისტრატორი ქვითარს ინახავს გაუმჭვირვალე ყუთში და აწვდის ბიულეტენს ამომრჩეველს

მოკლედ: პროცესი უბრუნდება ძველ წესს, როდესაც რეგისტრატორებს მაგიდაზე გაშლილი ჰქონდათ ამომრჩეველთა გრძელი სიები.

ამ ძველ პროცესზე გადასაწყობად, კომისიის თავმჯდომარე:

1. აპარატიდან ბეჭდავს ქვითარს, სადაც ჩანს მონაწილე ამომრჩეველთა ამ მომენტში არსებული რაოდენობა, ამ ქვითარს გადასცემს კომისიის მდივანს
2. მიუთითებს საოლქო საარჩევნო კომისიის წარმომადგენელს, რომ მაგიდებიდან აალაგოს ვერიფიკაციის აპარატები და წესის მიხედვით შეინახონ სპეციალურ ყუთებში.
3. ლუქავს ყუთებს, სადაც ინახებოდა ვერიფიკაციის ქვითრები. ამ ყუთებს ინახავს ცალკე.
4. დამატებითი რეგისტრატორების საჭიროების შემთხვევაში, ამ ფუნქციის შესრულებას ავალებს კომისიის წევრ(ებ)ს.
5. რეგისტრატორებს გადასცემს ამომრჩეველთა სიებს ფოტოსურათებით და რეგისტრატორის სახაზავებს. არსებობის შემთხვევაში, ერთ-ერთ რეგისტრატორს ასევე გადაეცემა ამომრჩეველთა სპეციალური სია.
6. მიუთითებს რეგისტრატორებს, რომ მათ მაგიდებთან გამოაკრან მათი ამომრჩევლების რიგითი ნომრები და ანბანური თანმიმდევრობა.

გადაწყობის დასრულების შემდეგ, რეგისტრატორები აგრძელებენ მუშაობას. პროცედურა იგივეა, რაც ზემოთ აღვწერეთ, მხოლოდ ორი განსხვავებით:

• ამომრჩეველი რეგისტრირდება არა ვერიფიკაციის აპარატში, არამედ ამობეჭდილ სიაში
• ამომრჩეველი ხელს აწერს არა ვერიფიკაციის ჩეკს, არამედ სიაში – მისი გვარის გასწვრივ