🥷 ჩუმი მხარდამჭერები

თუ შენ არ გაქვს საკმარისი დრო, არ გყავს აუდიტორია, ვერ ახერხებ ქუჩაში პროტესტს ან არ გსურს “გამოჩენა”..

შენ შეგიძლია პატარა, მაგრამ მნიშვნელოვანი აქტივობებით დაგვეხმარო ამ ბრძოლაში. შეიძლება იფიქრო, რომ ასეთი აქტივობები ბევრს ვერაფერს შეცვლის, მაგრამ ეს ასე არ არის – როდესაც ასობით ადამიანი ჩაერთვება ასეთ აქტივობებში, ბალანსი შეიცვლება.

🛡️ დაიცავი და გაავრცელე სიმართლე

👍 გამოიწერე სიმართლის გამავრცელებელი გვერდები

გამოიწერე გვერდები, არხები, ინფლუენსერები, რომლებიც სიმართლეს ავრცელებენ, რომლებიც მოგწონს და ენდობი.

ამით შენც უფრო ინფორმირებული გახდები, და სოციალური მედიის ალოგირთმიც უფრო მეტ მნიშვნელობას მიანიჭებს ამ გვერდებს. ეს კი ნიშნავს, რომ უფრო მეტი ადამიანი ნახავს მათ.

მაგალითად:

ეს სია დგება ადამიანების მიერ მოწოდებული მაგალითებით, გაგვიზიარე კომენტარებში საინტერესო გვერდი და დავამატებთ.

📧 გაუგზავნე საინტერესო ლინკები მეგობარს პირად მესიჯებში

თუ წააწყდი კარგ კონტენტს (პოსტს, ვიდეოს, სურათს..) და არ გსურს საჯაროდ აზრის დაფიქსირება, პირად მესიჯებში გაუზიარე მისი ლინკი ისეთ მეგობარს, ვინც არ ერიდება საჯაროობას.

გაზიარებისას დაურთე კომენტარი – რა მოგეწონა ამ მასალაში, რატომ თვლი რომ მნიშვნელოვანია ეს ინფორმაცია. ეს დაეხმარება შენს მეგობარს სწორად აღიქვას ეს ინფორმაცია და გამოიყენოს როგორც საჭიროდ ჩათვლის.

ამასთან, ამ მოქმედებით ალგორითმი ხვდება, რომ ეს საინტერესო მასალაა და უფრო მეტ ადამიანს უნდა აჩვენოს.

⏯️ უყურე ვიდეოებს ბოლომდე

თუ საინტერესო ვიდეო შეგხვდა, უყურე ბოლომდე. ამით ალგორითმს ატყობინებ, რომ ეს მართლაც საინტერესო ვიდეოა და მეტმა ადამიანმა უნდა ნახოს.

❗დაარეპორტე ტროლები და ბოტები

ზოგჯერ გვაქვს განცდა, რომ ამდენი ტროლის და ბოტის დამარცხება შეუძლებელია.

თუმცა, მათი აქტიური დარეპორტება იმაზე უფრო მნიშვნელოვანია, ვიდრე ეს ერთი შეხედვით ჩანს. თითო ასეთი ანგარიშის შექმნაზე გარკვეული დრო იხარჯება, დარეპორტების და წაშლის შემდეგ კი ეს დრო თავიდან უნდა დაიხარჯოს.

💬 გააზიარე, დაალაიქე და დააკომენტარე საინტერესო კონტენტზე

თუ ცოტა მეტ საჯაროობას არ ერიდები, ასეთი აქტივობა მნიშვნელოვნად ეხმარება კონტენტს რომ უფრო მეტ ადამიანს მიწვდეს.

სხვადასხვა ადამიანი სხვადასხვანაირად ამჯობინებს ინფორმაციის მიღებას – ვიდეოს სახით, წერილობით, ზოგიც ანალოგიით, შედარებით, ზოგს ჯერ დასკვნის მოსმენა სურს და შემდეგ განხილვის, ზოგსაც – პირიქით.

დაურთე ისეთი კომენტარი, შენთვის ბუნებრივი რომ იყოს და ასე მიწვდები ისეთ ადამიანებს, ვინც შენსავით აღიქვამს საკითხებს.

☝️ დაიცავი სიმართლე “მოწინააღმდეგის” სივრცეებში

როდესაც სამთავრობო ტელევიზია თუ სოციალური მედია ტყუილს იტყვის, ან დაუსაბუთებელ ბრალდებას გააჟღერებს აქციის დასაკნინებლად, გადადი მათ გვერდზე და კომენტარად დაუტოვე სიმართლე. ძირითადად, ასეთი კომენტარები მალევე იშლება ხოლმე, მაგრამ დიდი შანსია წაშლამდე მკითხველთა ნაწილმა მოასწროს წაკითხვა.

📅 გაავრცელე ინფორმაცია მომავალ პროტესტებზე, ღონისძიებებზე

მარშები, აქციები, დაგეგმილი დღეეები.. ყოველთვის რაღაც ხდება. რთულია ინფორმაციის ყველა დაინტერესებულ ადამიანთან მიტანა. შენ შეგიძლია დაეხმარო ორგანიზატორებს გაზიარებით.

📚 შეაგროვე სასარგებლო ინფორმაცია

ინფორმაცია, რომელიც შენი აზრით დაეხმარება პროტესტს.

პროპაგანდის და ტყუილის სქრინშოთები, საინტერესო ციტატები ან სხვა მასალა, რომელიც მეტ ყურადღებას და უკეთეს გავრცელებას იმსახურებს.

💛 გამოხატე მორალური მხარდაჭერა

ბრძოლაში ადამიანები სხვადასხვა სახის ზიანს ღებულობენ ან რისკავენ – ფიზიკური თავდასხმა, სამსახურიდან დათხოვნა, მრავალათასლარიანი ჯარიმები..

მათთვის საჯაროდ ან თუნდაც პირადად მხარდაჭერის გამოხატვა უმნიშვნელოვანესია. ეს სიტყვები აძლიერებს და აგრძნობინებს მათ, რომ ამ აგრესიის პირისპირ მარტო არ არიან. შეიძლება სწორედ შენი სიტყვები იყოს ის, რაც მას შემართებას და ენერგიას დაუბრუნებს.

💸 ფინანსური დახმარება, თუნდაც 1 ლარით

თუ შეგიძლია, ასეთ დაზიანებულ ადამიანებს შეგიძლია ფინანსურადაც დაეხმარო – სამართალდამცავების მიერ მიყენებული დაზიანებების მკურნალობაში, ჯარიმების გადახდაში, უსამსახუროდ დარჩენისას ყოველთვიური ხარჯების დაფარვაში..

არსებობს ფონდები, სადაც შეგიძლია თუნდაც რამდენიმე ლარი ჩარიცხო.

ყველა ასეთი ქმედება მნიშვნელოვანია. თითოეული კლიკი, მესიჯი, მომენტი, როდესაც მხარს უჭერ სიმართლეს. ასეთი მოქმედებები ბალანსს ცვლის – სიმართლემ ტყუილს არა მარტო ხარისხობრივად, რაოდენობრივადაც რომ აჯობოს.

ჩვენი ძალა ამაშია – რამდენი ადამიანი გადადგამს თუნდაც ამ მცირე ნაბიჯს ჩუმად, დაჟინებით, სტაბილურად.

მიმოიხედე გარშემო – ვის შეგიძლია მიწვდე. არ არის საჭირო იყო ხმამაღალი, საუბრობდე საჯაროდ. მხოლოდ შენი წვლილი შეიტანე. შენთვის, ჩვენთვის, საქართველოსთვის.

🤝 შემოგვიერთდი

ეს საქმე მარტომ, ჩუმად შეგიძლია აკეთო. თუმცა, გთავაზობთ შემოგვიერთდე დახურულ ჯგუფში, სადაც ერთმანეთს შეგვეძლება დავეხმაროთ, აზრები გავუზიაროთ, ჩვენი ძალისხმევა გავაერთიანოთ.

📝 შეავსე ფორმა