💬 მოსაუბრეები

თუ გარშემო გყავს საპირისპირო აზრის მქონე ადამიანები – ოჯახის წევრები, მეგობრები…

შენ გაქვს უნიკალური შესაძლებლობა ესაუბრო მას სიღრმისეულად, დაუსვა შეკითხვები, გაიგო მისი აზრი. ეს მარტივი არ არის, ჩვენ დაგეხმარებით ამ პროცესში.

ჩვენ გვჯერა, რომ “ახლა საუბრის დრო არის”, აქამდეც იყო და მომავალშიც იქნება. საუბრის ნაკლებობამ მოგვიყვანა აქამდე – პროპაგანდას საშუალება მივეცით მოეწამლა გარემო და გაეყო საზოგადოება. პოლიტიკოსები არ საუბრობენ, მოქალაქეები ვისაუბრებთ. ვისაუბრებთ მეგობრებთან, ნათესავებთან, თანამშრომლებთან თუ სრულიად უცხო ადამიანებთან. ვისაუბრობთ თითოეულ მათგანთან, რიგ-რიგობით, დაუღალავად. ვისაუბრებთ მრავალჯერ. ამით გამოვიმუშავებთ იმუნიტეტს, რომელიც დაგვიცავს თავსმოხვეული სიძულვილისგან.

ამ პროცესში მუდმივად განვვითარდებით და დავხვეწთ მესიჯებს. გავუზიარებთ ერთმანეთს შთაბეჭდილებებს, იდეებს, აზრებს.

მასმედიას შეუძლია ბევრ ადამიანამდე მიიტანოს ინფორმაცია. შენ – მხოლოდ შენს ახლობლებთან, შენს წრესთან. თუმცა, შენი სიტყვა პატივსაცემია, ნდობა გაქვს, გისმენენ. ადამიანმა შეიძლება ტელევიზორში ან უცხოსგან გაგებულს ყურადღება არ მიაქციოს, მაგრამ მეგობრის სიტყვებს? ოჯახის წევრების წუხილს?

ასეთი ინდივიდუალური საუბარი ადამიანის დარწმუნების ყველაზე ძლიერი გზაა, რადგან ასეთი საუბრები დაფუძნებულია ნდობაზე, ემოციაზე, ურთიერთგაგებაზე.

1️⃣ შეიარაღდი ინფორმაციით

სათქმელი ბევრი გვაქვს, საჭიროა ამ სათქმელის სწორი თანმიმდევრობით და “პორციებად” მიტანა. პროპაგანდით მოწამლულ გარემოში ბევრ წინაღობას შეხვდები, ბევრ ტყუილთან დაპირისპირება მოგიწევს, ბევრი უცნაური კონტრ-არგუმენტის განეიტრალება დაგჭირდება.

როგორი მასალაა ეს?

დაძაბულ გარემოში შენ არ გაქვს ფუფუნება დაუშვა შეცდომები, დაგაკლდეს ფაქტებით, ვერ მოიშველიო წყარო. არ აქვს მნიშვნელობა ჟურნალისტი ხარ და რესპოდენტს ესაუბრები, თუ უბრალოდ მეგობართან კამათობ.

შევაიარაღოთ კრიტიკული საზოგადოება ხარისხიანი არგუმენტებით. ეს ნიშნავს პროპაგანდის ანალიზს, კომპლექსური საკითხების გამარტივებას შესაბამისი ფორმით მიწოდებას.

მაგალითი: დაპირისპირება მამა შალვასთან (ამ ვიდეოს დიდი გამოხმაურება მოჰყვა სამთავრობო არხებზე – თუ როგორ ვებრძვით ეკლესიას), ან მკაფიო, არგუმენტირებული პასუხები პროპაგანდის კითხვებზე თუ შენიშვნებზე.

შეგიძლია წარმოიდგინო – კრიტიკულად მოაზროვნე ადამიანების გამოთქმული აზრების საუკეთესო ნაზავი – საუკეთესო არგუმენტები, გამართული თანმიმდევრობით და თანდართული წყაროებით, ერთგვარი “სუპერპოსტი”.

მოთხოვნა ასეთ კონტენტზე:

ამიტომ, გაეცანი და დაეუფლე მასალას – ჩვენს სათქმელს და ჩვენს პასუხებს პროპაგანდის კითხვებზე თუ შენიშვნებზე. წყაროებს, რიცხვებს, კონტრარგუმენტებს.

2️⃣ იპოვე და ესაუბრე ადამიანებს

იპოვე ადამიანი, ვისაც ესაუბრები – ოჯახის წევრები, მეგობრები, მეზობლები, თანამშრომლები, ნათესავები რეგიონებში, თუ ინტერნეტ-აუდიტორია.

ამ ადამიანებთან საუბარს ვერიდებით ხოლმე – არ არის მარტივი, უხერხულია, ემოციურია. პირველი ნაბიჯის გადადგმაა მთავარი. კითხვის დასმა, ფიქრის გაზიარება, საუბრის წამოწყება, გაბედვა. საუბრის შემდეგ მადლიერი იქნები შენი გამბედაობის.

ასევე, საჭიროა სათქმელის სწორად გაზიარება – საუბრის სწორად, თანმიმდევრულად წარმართვა. ჩვენ გაგიზიარებთ რჩევებს თუ როგორ უნდა დაგეგმო საუბარი და მიიტანო სათქმელი ამ ადამიანთან. გაეცანი სასაუბრო რჩევებს.

3️⃣ გაგვიზიარე შთაბეჭდილებები

როგორი მომზადებულიც არ უნდა იყო, საუბარი შეიძლება ისე არ განვითარდეს, როგორც ელოდებოდი. დაგერღვეს სტრუქტურა, ან შეგხვდეს მეტი ემოცია, დაძაბულობა.

ჩვენი მიზანია ყოველი შემდეგი საუბარი იყოს უკეთესი. ამისთვის, მუდმივ რეჟიმში ვავითარებთ მასალას და სასაუბრო რჩევებს.

გაგვიზიარე, რამ იმუშავა? რა პრობლემა შეგექმნა? რომელი არგუმენტი უნდა დავხვეწოთ ან დავამატოთ?

ასე ჩვენ ერთად ჩამოვაყალიბებთ კოლექტიურ ცოდნას, თითოეულ არგუმენტს გავაუმჯობესებთ მუდმივ რეჟიმში, სანამ არ ვსრულყოფთ, სანამ მისი უპასუხოდ დატოვება შეუძლებელი გახდება.

შემოგვიერთდი ჯგუფში, სადაც ასეთი შთაბეჭდილებების გაზიარებას შეძლებ. ჩვენ კი – ახალ მომზადებულ მასალას გაგიზიარებთ, გადაგახედებთ ხოლმე – რამის თქმა ხომ არ შეიძლებოდა უკეთ. ასევე, ვისაუბრებთ სხვადასხვა საკითხზე, მაგალითად კიდევ რა ფორმებით შეგვიძლია სათქმელის მიტანა ადამიანებამდე.