💬 მოსაუბრეები

ერთად ვებრძოლოთ დეზინფორმაციას, გავაძლიეროთ ერთმანეთი ჰიბრიდულ ომში, არ დავტოვოთ არცერთი ტყუილი უპასუხოდ. ვესაუბროთ ოჯახის წევრს, მეგობარს თუ თანამშრომელს – ავუხსნათ მოტყუებულს, ვუპასუხოთ მატყუარას.

ადამიანებთან საუბარი პროპაგანდასთან ბრძოლის წინა ხაზია. ეს რთული და დამღლელია. ჩვენ ვაძლიერებთ ერთმანეთს მორალურად და ტექნიკურად, რათა ყოველი შემდეგი საუბარი იყოს უკეთესი, ვიდრე წინა.

👉 მოგმართავთ შენ

თუ შენ:

• გინახავს როგორ ესაუბრება რეჟიმის ჟურნალისტი პატიმრის მშობელს, მღვდელს, უბრალო აქტივისტს და ბრაზი მოგრევია – “რატომ აძლევენ ამის უფლებას? რატომ არავინ სცემს საკადრის პასუხს ბასრი ენით და მახვილი არგუმენტებით?”
• ყოფილხარ გარემოში – ოჯახურ სუფრაზე თუ სამეგობრო ჩეთში, სადაც გააჟღერეს პროპაგანდის რომელიმე ტყუილი ან ბრალდება, ან ირონიულად გკითხეს “და შენ რას აპროტესტებ?!” შენ კი თავი ვერ მოუყარე საჭირო სიტყვებს, მოგვიანებით კი ინანე – იქვე რატომ არ ვუპასუხეო?
• გაბრაზებულხარ იმაზე, თუ როგორი რიხით და თავდაჯერებით ლაპარაკობს რეჟიმის პოლიტიკოსი, ჟურნალისტი, ინფლუენსერი თუ პროპაგანდის მსხვერპლი საკუთარ პოზიციაზე – როგორ ხმამაღლა და მოურიდებლად იცავს ტყუილს, ბრალდებას და სილაჩრეს.
• გიფიქრია, რომ უფრო მეტმა უფრო მეტად უნდა დავიცვათ სიმართლე, სწორი პოზიცია. თუ თავს გვესხმიან – უნდა გავანეიტრალოთ, თუ შეცდომაში არიან შეყვანილი – ავუხსნათ. მაგრამ არ გავჩუმდეთ, არ წავუყრუოთ, არ მოვაწამლინოთ გარემო . 

რომელიმე მაგალითში თავი თუ ამოიცანი, სწორ ადგილას ხარ.

💪 გსურს გაძლიერდე და გააძლიერო სხვები?

ჩვენ ვეხმარებით ერთმანეთს სიმართლის დაცვაში – უკეთესი არგუმენტებით, ერთმანეთისთვის საჭირო ბიძგის მიცემით, ვიმაღლებთ ხმას და თვითრწმენას, ვავიწროვებთ ტყუილს ყველგან, სადაც წავაწყდებით.

თუ თვლი, რომ უფრო მეტმა უნდა ავიმაღლოთ ხმა…

..მოგვეცი მაგალითი, გაგვიზიარე გამოცდილება – შენ როგორ ესაუბრები მოწინააღმდეგე აზრს? როგორ ანეიტრალებ ბრალდებებს? როგორ უხსნი მას, ვინც არ არის მზად მოსასმენად? ან რატომ ფიქრობ, რომ საუბარს აზრი აქვს? დაეხმარე ადამიანებს ირწმუნონ საკუთარი თავის და როლის ამ პროცესში. 

თუ გსურს გახდე უკეთესი და მეტად გაძლიერდე…

..გარემო პროპაგანდით არის მოწამლული. ასეთი საუბრის წამოწყებისას მრავალ უცნაურ ბრალდებას თუ არგუმენტს მოისმენ. ზოგჯერ შეიძლება დაიბნე, ვერ იპოვო საუკეთესო არგუმენტი და სიტყვები. ეს ნორმალურია, საჭიროა ტექნიკის ცოდნა და გამოცდილების დაგროვება. გაძლიერდი, მიიღე ცოდნა და გაუზიარე სხვას.

🤝 შემოგვიერთდი

თუ გსურს გამოცდილების მიღება ან გაზიარება, თუ ამოიცანი შენი თავი და ეთანხმები აქამდე წაკითხულს, შემოგვიერთდი!

ჯგუფში გაწევრიანებით:

✅ გახდები უფრო თავდაჯერებული – ისაუბრებ მშვიდად, თანმიმდევრულად, მკაფიოდ, დამაჯერებლად.
✅ დაეუფლები საუბრის გამოცდილ ტექნიკებს – ოჯახში, ნათესავებში თუ სოციალურ ქსელში გამოსაყენებლად.
✅ დაიცავ თავს პროპაგანდისგან – დაეუფლები ლოგიკურ კონტრ-არგუმენტებს ძირითად მესიჯებზე, უკეთ გაარჩევ პროპაგანდის გამოყენებულ ტექნიკებს.
✅ დადებ შენს აგურს ტყუილთან ბრძოლაში.
✅ გააზიარებ შენს გამოცდილებას და იდეებს – დაგვეხმარები დავიცვათ სიმართლე უკეთ.
✅ მორალურად გააძლიერებ ადამიანებს როდესაც დაღლილობა, ნიჰილიზმი ან ბრაზი იმძლავრებს.

…გაძლიერდები და გააძლიერებ სხვას.