🔍 გახდი დამკვირვებელი

ოქტომბრის არჩევნების მნიშვნელობიდან გამომდინარე, ბევრ მოქალაქეს გაუჩნდა სურვილი დააკვირდეს არჩევნებს, მის ჯანსაღ მსვლელობას.

👤 ვინ არის დამკვირვებელი?

დამკვირვებელი აკვირდება არჩევნებს, რათა ეს პროცესი სამართლიანად და წესების დაცვით ჩატარდეს. ის ავლენს და ხელს უშლის გაყალბების მცდელობასა თუ ფაქტებს.

🤔 რატომ უნდა გახდე დამკვირვებელი?

არჩევნების სამართლიანად ჩატარება დემოკრატიისთვის უმნიშვნელოვანესია, შესაბამისად უმნიშვნელოვანესია დამკვირვებლის როლიც.

დამკვირვებელი იცავს ხმებს. ის აკვირდება პროცესს და აღრიცხავს შეცდომებს ან მანიპულაციას. რაც უფრო მეტია ასეთი ადამიანი – მით უფრო ნაკლებია გაყალბების შანსი და მით უფრო მეტია ნდობა არჩევნებისადმი და რწმენა, რომ ჩვენი ხმა მნიშვნელოვანია.

✋ როგორ უნდა გახდე დამკვირვებელი?

გადაწყვიტე დამკვირვებლობა? პირველ რიგში აუცილებელია რეგისტრაცია რომელიმე აკრედიტებულ ორგანიზაციაში:

• ჯგუფი “დააკვირდი”
• ჯგუფი “ხმის გუშაგი”
• ჯგუფი “დაიცავი”

🎓 გაიარე ტრენინგი

ზემოთჩამოთვლილი ორგანიზაციები შემოგთავაზებენ თავიანთ სატრენინგო მასალას.

ჩვენც, “გაანათეს” გუნდმა, ჯგუფ “დააკვირდის” დახმარებით, მოვამზადეთ ონლაინ-ფორმატის მასალა. შეგიძლია ამ საიტზევე მიიღო სრული ინფორმაცია რა და როგორ უნდა გააკეთო როგორც დამკვირვებელმა.

მასალა დალაგებულია ისე, რომ პირველ რიგში გასაგები გახდეს როგორია პროცედურა – როგორ იხსნება უბანი, ხმის მიცემა, ხმების დათვლა.. ამ პროცესის აღწერისას კი ყურადღება გამახვილებულია რას უნდა დააკვირდეს დამკვირებელი, რა რისკებია და როგორ უნდა მოიქცეს

👩‍🏫 შეამოწმე ცოდნა

უკვე გაიარე ტრენინგი ან უბრალოდ ცოდნის გადამოწმება გსურს? “დაიტოვემ” შექმნა ონლაინ აკადემია, რომელიც მარტივად, ვიდეო ფორმატით ხსნის პროცედურას და ასევე გთავაზობს გადაამოწმო შენი ცოდნა ყოველი სექციის თუ თავის შემდეგ.

📜 შეჯამება

დამკვირვებლის როლი მნიშვნელოვანია ნებისმიერ არჩევნებზე, განსაკუთრებით კი ამ, 2024 წლის არჩევნებზე.

თუ გადაწყვეტ გახდე დამკვირვებელი, ჩვენ დაგეხმარებით.